Olsok 2020 var ikkje av det tørraste slaget, men då fekk vi i alle fall lov å tenne bål.
Grendalaget hadde invitert til bål og hellekaker i høve Olsok. I heile sommar har vi hatt bålforbod, men i det siste hadde det regna såpass mykje at brannvesenet tykte det var greitt med litt eld.
Bålet var større enn vanleg etter ein aktiv koronavår i hagane. All kvist og trevirke lot seg likevel fyre opp og blei slukt av flammane.
Då det begynte å regne skikkeleg, trakk vi inn i lavvoen for å spise hellekakene. Utruleg at det går an å steike kaker over eit bål! Takk til Lene Slinde for steike-bragden!
