Nyheiter frå grendalaget
Arbeidet med å leggje reservevassforsyning frå Lundene til renseanlegget i Henjadalen er i gang! Vassforsyninga skal nyttast om det oppstår hendingar som påverkar hovudvasskjelda under arbeidet med veg og kraftverk i Henjadalen.
Vi vedtok på årsmøtet 2018 at vi ønska å be kommunen om å auke utnyttingsgraden innanfor planområdet Røysaleite frå 0,15 til 0,30. Dette var argumentasjonen vår:
Utnyttingsgrad i reguleringsplanen er maksimum 0,15. Denne utnyttingsgraden er låg samanlikna
med andre samanliknbare reguleringsplanar i Leikanger, til dømes reguleringsplan for Monken
(1989) som er på 0,30 og Bustadfeltet Dalen 2 (endring 1985) der U= 0,25. Bustadområdet
Røysaleite er utbygd som einebustadområde, i stor grad utan garasjar i første omgang. Ein del av
tomtene er i dag utbygd slik at bustadhus åleine, eller bustad saman med garasje eller uthus
utgjer om lag, eller meir enn, maksimal utnyttingsgrad. Dette gjer at tomteeigarar som ønskjer
betre utnytting av tomta, til dømes for å gjennomføre mindre tiltak som uthus eller garasje har
vanskelig for å gjere dette innanfor gjeldande reguleringsplan, utan å få dispensasjon frå plan for å
realisere byggeplanen. Prosessen for å søke dispensasjon er kostbar og tidkrevjande for
grunneigaren, samstundes som det er ressurskrevjande for kommunen å handsame sakene.
Sommaren 2017 vart plan og bygningslova endra for å forenkle sakshandsaminga knytt til enkle
byggetiltak, som garasjar og uthus, ved at enkle tiltak under visse føresetnader vart unntatt frå
søknadsplikt etter plan og bygningsloven. Å legge til rette for enklare sakshandsaming av slike
tiltak er slik i tråd med nasjonale føringar.
27. september blei ny arealplan for Leikanger kommune vedteken. Arealplanen gjeld foran reguleringsplanen der det er motstrid. I ny arealplan er utnyttingsgraden auka til 0,30, i tråd med grendalaget sitt årsmøtevedtak. Vi syns det er flott at kommunen har vedteke denne endringa!
Grendalaget har gleda av å gratulere Mari Johansen Aune som nyvald leiar for grendalaget. Ho er vald for perioden 2018-19. Mari bur i Kolabakken og jobbar til dagleg i planavdelinga til fylkeskommunen.
Styret består for øvrig av Rune Røysum (kasserar) og Sindre B. Ramung.
Endeleg er grendalaget sin lavvo på plass i Nilstræet!
Lavvoen er romsleg og kan huse opptil 25 personar. Vi har skaffa pallar til å sitje på, men tek sikte på å «raffinere» sitjeplassane noko meir etterkvart.
Sidan lavvoen er felleseige, er det berre for medlemmane i grendalaget å bruke han. Send ein e-post til styret@roysaleite.no viss de ønskjer å bruke lavvoen til eit planlagt arrangement og vil sikre dykk at han er ledig. Elles er det sjølvsagt berre å samlast spontant i lavvoen når ein får lyst.
Det finst bålpanne også til lavvoen, som inntil vidare står hos Sindre B. Ramung, Haugane 8 (nabo til lavvoen). Også bålpanna er felleseige, så den er det berre å låne. På sikt skal vi få til ei trygg plassering av bålpanna i lavvoen, slik at denne kan stå framme heile tida.
Det har ikkje berre vore ferie på leikeplassen i Nilstræet i sommar…
Vi har fått ferdig leike-traktoren. Etter avstemning blant ungane blei det bestemt at traktoren skulle vere ein John Deer og malast i lysegrønt, lysegult og svart. Ungane var sjølv med og malte:
Ellers har Per Røysum vore så grei at han har bygd eit flott barnebord til oss:
Eit tilsvarande bord kjem om kort tid på leikeplassen i Dalhjellevegen.
Elles ventar vi på å få levert ein flott 20-manns lavvo som vi skal setje opp på leikeplassen i Nilstræet, i tillegg til ny dumpehuske, sklie og nytt nett til målet på ballbana.
Grendalaget har kjøpt ei bålpanne som kan brukast til grilling, steiking og suppe-/kaffikoking utandørs.
Panna står førebels hos Sindre B. Ramung, Haugane 8, men skal på sikt plasserast i lavvoen grendalaget planlegg å setje opp i Nilstræet. Viss nokon i grenda ønskjer å låne bålpanna, er det berre å ta kontakt med Sindre (mobil 976 82 389).
No kan du gi grasrotandelen din til Røysaleite grendalag når du speler hos Norsk Tipping!
Røysaleite grendalag er registrert i Firvilligheitsregisteret, noko som betyr at du kan gi grasrotandelen din – 5% av speleinnsatsen – til grendalaget. Dette kan du enkelt gjere ved å sende SMS <Grasrotandelen 918349669> til 2020 eller ved å gå til https://www.norsk-tipping.no/grasrotandelen#search=918349669 og klikke «Tilknytt».
Godt nyttår til alle på Røysaleite!
Vi held fram med å forbetre fellesareala i grenda og vil gjerne høyre frå deg om kva du meiner vi bør prioritere i 2017.
Her er dei innspela vi har fått inn så langt (i uprioritert rekkefølgje):
Er det andre ting du meiner vi burde ta tak i? Skriv gjerne eit innlegg her!
Grendalagsstyret har sendt kommunen ei uttale om trafikktryggleiken i grenda med forslag til tiltak:
Leikanger kommune <postmottak@leikanger.kommune.no>
kopi: Mari Johansen Aune, Leikanger kommune <mari.johansen.aune@leikanger.kommune.no>
Leikanger, 20.9
Venleg helsing
Bada i varmt solskinn blei det ei fin ramme rundt jonsokfeiringa på Nilstræet. Vi fekk bål-løyve og kvisthaugen frå siste dugnaden gikk opp i fyr og flamme. Ikkje like høgt bål som på Nokkanes, men i alle fall lett antenneleg og velduftande, takka vere all einer-veden.
Vi satsar på at jonsok-tradisjonen med fest i Nilstræet med dette er gjenoppliva, og ønskjer alle velkommen til å bli med til neste år!
