Kategori: Ukategorisert

Grendalaget fatta på årsmøtet vedtak om å sende innspel til kommunen om endring av utnyttingsgraden i reguleringsplanen for Røysaleite. Uttale til arealplan er no sendt. Du kan lese uttala her:

Høyringsbrev til arealplan frå Røysaleite grendalag

Bli med å feire Jonsok med naboane! Som i fjor tenner vi opp bål på fotballbana i Nilstræet og samlast til grilling, leik og hygge. Arrangementet passar like bra for store som for små. Ta med grillmat og bli med!

Tid: Laurdag 24. juni kl 17.00

Stad: Nilstræet

Vi ber alle som har kvist, greinar eller uimpregnerte plankar og som ikkje ønskjer å køyre desse heilt til Kvålen om å deponere attmed fotballbana. Slik får vi meir føde til bålet.

Sparebankstiftinga Sogn og Fjordane løyver 40.000 kr til grendalaget for å skape gode møteplassar i nabolaget vårt. Tusen takk til stiftinga for den fine gåva!

Søndag kom nyhenda om at grendalaget får 30.000 kr til opprusting av leikeplassane med nye apparat.

Med desse tilskota blir det nye leikeapparat og benkar i Dalhjellevegen og Nilstræet og lavvo med grue i Nilstræet.

Under ei utdeling 30. april fekk grendalaget tildelt 30.000 kr frå Sparebanken Vest sitt gåvefond til opprusting av leikeplassane i Dalhjellevegen og Nilstræet. Vi takkar for pengane som vil bli investert i nye leikeapparat!

Grendalaget inviterer til dugnad i Hovdavegen/Dalhjellevg, Kolabakken og Nilstræet 6.5 kl 10 med følgjande aktivitetar:

Rydding av vegetasjon
Bossplukking
Male listverket på dokkestova
Bygge trommel-traktor
Olje leikestativ

Møt opp på ein av dei tre leikeplassane på Røysaleite. Ta gjerne med spade, rake eller greinsaks.

Frå kl 14.30 blir det grillfest og vaflar i Nilstræet. Ta med grillmat og bli med!

Spørsmål kan rettast til styret: (styret@roysaleite.no; mobil 976 82 499 – leiar, Sindre B.R.)